SUNNUDAGS BRUNCH

Sunnudagarnir mínir byrja svo miklu betur þegar á boðstolnum er kósý sunnudags brunch með amerískum pönnukökum, hlynsírópi og ferskum berjum. Þessar morgunstundir um helgar eru eitt af þessum litlu hlutum sem gera lífið svo miklu betra :)

Hér er ameríska pönnukökuuppskriftin sem ég nota:

150 gr hveiti
1 tsk lyftiduft
50 gr sykur
Örlítið salt
1 egg
150 ml mjólk
Olía til steikingar

Svona spari þá finnst mér ofsalega gott að bæta súkkulaðibitum út í deigið.

MAKKARÓNUR

Ég er með æði fyrir makkarónum, svo litlar og sætar og ótrúlega ljúffengar. Þetta er samt ekki eitthvað sem maður gúffar í sig, meira svona trít á góðum degi :) Ég fór í Kökuhúsið í Kópavogi í dag og keypti mér nokkrar. Mæli með þessu bakaríi, þau eiga vanalega til makkarónur með mismunandi brögðum og líka ótrúlega flottar cupcakes, keypti mér einmitt eina rósacupcake með glimmeri. Fyrir þá sem eiga ekki leið um bakaríið þá er Hagkaup að selja franskar makkarónur frosnar, alveg þess virði að prófa.

Þær voru svo sætar að ég varð að taka mynd. 

Þessar eru jarðaberja, mokka og vanillu!

Ladurée bakaríið í París er frægt fyrir makkarónurnar sínar.